Louis Liebenberg, vyf ander bly eers agter tralies

BRONKHORSTSPRUIT – Louis Liebenberg was Donderdag uitbundig tydens sy verskyning in die Bronkhorstspruit-landdroshof in Gauteng.
Die vermeende swendelaar en sy vrou Dezzi word saam met sewe ander beskuldigdes van onder meer bedrog en geldwassery aangekla.
Hulle is vroeër die week deur die Valke in hegtenis geneem.
‘n Woordvoerder vir die Valke sê Liebenberg se diamantskema is jare lank gebruik om beleggers uit meer as vier miljard rand te swendel. 
Liebenberg het aangedui dat hy moontlik eers later om borgtog sal aansoek doen.